කතුවැකිය: මැයි - නූතන අරුතකින් අරගල කරමු

කතුවැකිය
Typography

නවීකරණය වෙමින් පවතින සමාජයක සැමරුම් නවීකරණය නොවීමේ ප්‍රශ්නයක් ලංකාවේ අත්දකින්නට ලැබේ. මැයි දින සැමරුම ඉන් ප්‍රධාන එකකි. මැයි පළමුවනදා වන විට දේශපාලන පක්ෂ මෙන්ම එම පක්ෂවලට සම්බන්ධ වෙනත් සංවිධාන මැයි දිනය සැමරීම උත්කර්ෂවත් අන්දමින් සිදු කරන්නට කටයුතු කළත් මැයි දිනය යන්න අර්ථවත් කර ගැනීම සහ එම සැමරුම නවීන ආකාරයකින් ඉස්මතු කර ගැනීම ගැන නොසිතන බවක් දිස් වේ.

මැයි දිනය යනු කම්කරුවාගේ දවස නම් ශ්‍රමිකයාගේ අනවරත ක්‍රියාවලියට අර්ථයක් ලැබෙන වැඩසටහනක් මැයි දිනය දා සැමරුමට ලක් විය යුතුය. ලංකාවේ මැයි දින සැමරුම් සැලසුම් කරන්නේ කම්කරු පන්තියද? දේශපාලන පක්ෂද? යන ප්‍රශ්නය නැඟුවහොත් දේශපාලන පක්ෂ මැයි සැමරුම් සංවිධානය කරන බවට පැහැදිලි පිළිතුරක් ලබා දිය හැකිය. කම්කරු පන්තියට එකලාව මැයි දිනය සංවිධානය කළ නොහැකිය. මාක්ස්ගේ අර්ථ විවරණයට අනුව කම්කරු පන්තියට පක්ෂයක් තිබිය යුතුය. ඒ අනුව පක්ෂ විසින් කම්කරු රැලි සංවිධානය කිරීම නිවැරැදිය. එහෙත් ප්‍රශ්නය වන්නේ දේශපාලන පක්ෂ කම්කරු පන්ති අර්ථයෙන් මැයි දිනය නොසැමරීමය, කම්කරු පන්තිය ද තමා අනුගත දේශපාලන පක්ෂවලින් කම්කරු පන්තික අර්ථයෙන් මැයි සැමරුම් අපේක්ෂා නොකිරීමය. මේ ප්‍රශ්නය ජය ගන්නේ කෙසේද? දේශපාලන පක්ෂවලට පන්ති අර්ථයකින් මැයි දිනය සැමරීමට අවශ්‍යතාවක් තිබිය හැකිද? නැත. ඔවුන් මැයි දිනය සමරන්නේ දේශපාලන බලය පිළිබඳ අරුතකිනි. අනෙක් අතට පාරිභෝගිකවාදී අරුතකිනි. 60 හා 70 දශකවල නවීකරණය නොවූ මිශ්‍ර ධනවාදය තුළ මැයි සැමරුනේ කෙසේද! ඒ තුළ අදට වඩා කම්කරු පන්තික අර්ථයක් තිබුණිද! පැරණි මැයි සැමරුම් දෙස බලන විට සහ මෙරට වාමාංශික පක්ෂ එම සැමරුම් කෙරෙහි දැක් වූ ආකර්ෂණීය මැදිහත්වීම් දෙස බලන විට ඒවායේ අදට වඩා කම්කරු පන්තික ස්වරූපයක් දක්නට තිබිණැයි සිතිය හැකිය. එහෙත් ලොකුම අවුල වූයේ එම වාමාංශික පක්ෂවලටත් කම්කරුවා නවීන මිනිසෙකු බවට පරිවර්තනය කිරීම පිළිබඳ අදහසක් නොතිබීමය.

කම්කරු පන්තිය සහ කම්කරු පන්ති විඥානය යන දෙකම නවීකරණය වු ධනපති සමාජය විසින් සිය වාණිජ සහ පාරිභෝගික අරමුණු නම් පිඹුරු දඟරයෙන් වෙළාගෙන ඉන්පසු හෙමින් ගිල දමා ඇත.යනුවෙන් ප්‍රකට විද්වතකු වන හර්බට් මාකුසේ කීවේය. දේශපාලන බලය පිළිබඳ මඬනා ලද වුවමනාවෙන් යුතු පක්ෂ උක්ත ක්‍රියාවලිය ඉෂ්ට කරන විට කම්කරු පන්තිය ද ඊට නතුවීම නිරුත්සාහකවම සිදු විය. මෙම පාරිභෝගිකවාදී ක්‍රියාවලිය තුළ කම්කරුවාට ධනපතියකු විය හැකිය. එහෙත් කම්කරු පන්තියට හිස එස විය නොහැකිය. පාරිභෝජනවාදී ධනවාදයේ නියත හා සුවිශේෂී ස්වරූපය ලෙස එය තේරුම් ගත හැකිය. වෙන්වී එකෙකුට සමාජයේ මතුමහලට නැගිය හැකි ක්‍රමයකට එක්වීමට ඕනෑම කෙනෙකු කැමැති වන්නට පුළුවන. මන්ද තනි තනිව එම උත්සාහයන් දැරිය හැකි බැවිනි. එහෙත් ඉන් සාමූහික සාර්ථකත්වයක් අත් කර ගත නොහැකිය. එනම් එම ක්‍රමයෙන් පන්තියක් සංවර්ධනය කළ නොහැකිය.

මැයි දිනය සැමරීමේ සිටම කම්කරු පන්තියට නවීකරණය විය නොහැකිද? ඒ ගැන කම්කරු පන්තිය, දේශපාලන පක්ෂ, සංවිධානය සහ කම්කරු නායකයන් සිතා ඇත්ද? නවීකරණය යනු පුද්ගලික හෝ හුදෙකලාව සිදු වන තත්ත්වයක් නොවේ. නවීකරණය යනු ශිෂ්ටාචාරගත ක්‍රියාවලියකි. එනම් එය සාමූහිකය. මේ සඳහා අවශ්‍ය පළමු සාධකය වන්නේ දැනුමය. කම්කරුවා යනු මැයි දිනය දවසට සටන් පාඨ කියන හුදු උද්ඝෝෂණ ආතතියෙන් ඇළලී ගිය දවසක් ගත කර සවසට එය නිමා කරන සාම්ප්‍රදායික මිනිසකු විය යුතු නැත. කම්කරුවා තමා අනුගත දේශපාලනයෙන් දිනා ගත යුතු දෙයක් තිබේ. එය නම් ප්‍රජාතන්ත්‍රවාදයයි. අලුත් ජීවිතයක් සාක්ෂාත් කරගත හැකි සාධාරණ සහ නවීන සමාජයක් මෙතෙක් කම්කරු දින සටන් පාඨවල තිබුණේ නැත. එසේ නම් ඒවා කම්කරු සැමරුම්වල සටන් පාඨවලට අන්තර්ග්‍රහණය විය යුතුය.

තෙල් ටැංකි විකිණීමට විරුද්ධ වීමේ සිට ඉකුත් ආණ්ඩුවේ වංචා, දූෂණ සහ මිනිස් ඝාතන ගැන විමර්ශන සිදුකිරීම, බැඳුම්කර වංචාව හෙළිකර ගැනීම, මෙන්ම ජාතික ප්‍රශ්නයට තිරසාර විසඳුමක් ලබා ගැනීම දක්වා දේවල් කම්කරු සටන් පාඨවල ඇතුළත් විය යුතුය. අප කල්පනා කළ යුත්තේ නවීකරණය වූ කම්කරු පන්තිය යනු කවර පැවැත්මක ස්වරූපයක් ගත්තක්ද යන්න ගැනය. එසේ නම් තවදුරටත් ඉදිරියට ගොස් ජිනීවාවලදී ලංකාව පොරොන්දු වු සත්‍ය කොමිසම, අතුරුදන් වූවන්ගේ කාර්යාලය ස්ථාපිත කිරීමේ සිට හයිබි්‍රඞ් අධිකරණය දක්වාම තුලනාත්මක මතයක් මෙරට කම්කරු පන්තියට තිබිය යුතුය. ධනපති පන්තිය භංගවේවා යන සටන් පාඨයේ ආතතියෙන් ඇළලී යනවාට වඩා නවීකරණය වූ කම්කරු පන්තියකට වෙනත් වගකීමක් තිබේ. ඒ ධනපති පන්තිය සමඟ නුතන ප්‍රශ්න සම්බන්ධයෙන් නූතන අර්ථයකින් අරගල කිරීමය.

කතුවැකිය: මැයි නූතන අරුතකින් අරගල කරමු

Latest Posts

කතාබහ

ලොක්කො බලය ඇති කාලෙත් යාළුවො නැති කාලෙත් යාළුවො ලොක්කො බලය ඇති කාලෙත් යාළුවො නැති කාලෙත් යාළුවො 2017-06-26 - ශ්‍රී ලංකා නිදහස් පක්ෂ මහ ලේකම් - කෘෂිකර්ම අමා...
විප්ලවේට මාර්ග සිතියමක් මට නැහැ - සිරිතුංග ජයසූරිය විප්ලවේට මාර්ග සිතියමක් මට නැහැ -  සිරිතුංග ජයසූරිය 2017-06-12 - එක්සත් සමාජවාදී පක්ෂයේ නායක  ■ මේ  මොහොතේ ...

විශේෂාංග

රටක් වට කළ රෙදි පටක්! හොටක් දිගු කළ ‘අධිකරණයක්’ ! රටක් වට කළ රෙදි පටක්! හොටක් දිගු කළ ‘අධිකරණයක්’ ! 2017-06-26 - මේකට සංවිධානයක් කියා නමක් තිබ්බේ විහිළුවට වගේ...
රටට හිඟන්නාගේ ජීවිතේ ගතකළ නොහැක රටට හිඟන්නාගේ ජීවිතේ ගතකළ නොහැක 2017-06-19 - කැබිනට් සංශෝධන යටතේ තනතුරු වෙනස් වූ ඇමැතිවරුන්ට...
තේ කෝප්පයට සීනි කිලෝ එකක් ! තේ කෝප්පයට සීනි කිලෝ එකක් ! 2017-06-12 - ලෝක වෙළඳ පොළේ සීනි මිල සීඝ්‍රයෙන්  අඩු වී ඇති...

කතුවැකිය

ඥානසාර හිමියනි, වඩා වැදගත් වෛරයද ? මෛත්‍රියද? - කතුවැකිය 2017 ජුනි 25 ඥානසාර හිමියනි, වඩා වැදගත් වෛරයද ? මෛත්‍රියද? - කතුවැකිය 2017 ජුනි 25 2017-06-26 - පොලිස් කණ්ඩායම් හතරක් විසින් සති දෙක තුනක් ත...
ඩෙංගු මැඬීමට සාමාජීය අරමුණකට බද්ධ වෙමු ඩෙංගු මැඬීමට සාමාජීය අරමුණකට බද්ධ වෙමු 2017-06-19 - ඩෙංගු පසු සංකූලතා තත්ත්වය උත්සන්න වී ඉකුත් සතියේ...
කඳු නාය ගියේ සාමාන්‍ය ජනයාගේ වරදකින් නොවේ: කතුවැකිය - 2017 ජුනි 11 කඳු නාය ගියේ සාමාන්‍ය ජනයාගේ වරදකින් නොවේ: කතුවැකිය - 2017 ජුනි 11 2017-06-12 - ගංවතුර බැසයාමෙන් පසුව ජනපතිවරයා කළුතර ප්‍ර...

දේශපාලන

ග්ලයිෆෝසේට්වාදීහු මේ අභියෝගය බාර ගන්නෙහිද? ග්ලයිෆෝසේට්වාදීහු මේ අභියෝගය බාර ගන්නෙහිද? 2017-06-26 - 2015 ජුනි 15 දා ආනයන හා අපනයන පනතට අනුව තහනමට ලක් කළ...
ගෝඨාභයට වචනයක් ගෝඨාභයට වචනයක් 2017-06-12 - “මම කියන්නෙ මේ රටේ ඕනෑම රජයකට සාර්ථක වෙන්න ඕනෙ...
“සයිටම්“ කළුත් ඇති සුදුත් ඇති විසඳුමක් සොයා ගැනීම “සයිටම්“ කළුත් ඇති සුදුත් ඇති විසඳුමක් සොයා ගැනීම 2017-06-05 - රටේ පවතින ප්‍රශ්නවලින් විසඳුමක් නැතිම ප්‍ර...
සන්නද්ධ ගැටුමට පසු දේශපාලනය සන්නද්ධ ගැටුමට පසු දේශපාලනය 2017-05-29 - 2009 වර්ෂයේ එල්ටීටීඊ සංවිධානයේ යුදමය පරාජයට පසු...

Face Book Setup 01