ඔබ ජවිපෙ පුර්ණකාලීනයකු ලෙස කටයුතු කරන අතරම පක්ෂය සම්බන්ධව දැඩි විවේචනයක් තිබු බව සඳහන් කළා. අපි කැමතියි ඒ මොනවද කියලා දැන ගන්න?

ඇත්තටම මම විතරක් නෙවෙයි, ඒ වෙනකොට පක්ෂ අභ්‍යන්තරයේ විවේචන මතු වෙලා තිබුණා පක්ෂය යන ගමන ගැන. විශේෂයෙන්ම සංවිධාන ප්‍රතිපත්ති සම්බන්ධව. ඒ තුළ මට තිබුණ එක ප්‍රධාන විවේචනයක් තමයි පක්ෂයේ පහළ අදහස් ඉහළට නොයාම. ඒ වගේම පක්ෂ කේඩරයේ ඉහළින් ඉන්න අය පහළ ප්‍රශ්න සාකච්ඡා නොකිරීම. ඔය කාරණා දෙක ප්‍රබල විදිහට තිබුණා. හරිම කෘතිම විදිහට තමයි පක්ෂයේ ඉහළ තීන්දු පහළට ආවේ. එයාලා කියන්නෙ මොකක්ද, හරි වුණත් වැරැදි වුණත් පහළ කේඩරය එය කළ යුතු වුණා. දිස්ත්‍රික් හෝ ආසනවල ඇති ප්‍රශ්නවලට එයාලා ළඟ විසඳුම් තිබුණෙත් නෑ. වැඬේ අවුල් වගේ තේරෙනකොට, දිස්ත්‍රික් ලේකම්ටත් වැඬේ විසඳගන්න බැරි මට්ටමට ආවහම ඔන්න පක්ෂයේ ඉහළ කෙනෙක් එනවා ප්‍රශ්නය විසඳන්න කියලා.

Read more ...
Write comment (0 Comments)

නක්ෂත්‍රකරුවෝ තමන් ප්‍රකාශ කළ අකල් මරණ සම්බන්ධ අනාවැකි ගැන පුරසාරම් කීහ. බලයට පොර කන දේශපාලකයෝ බලයේ සිටින අයගේ අවාසනාව ගැන සමාජ මාධ්‍ය හරහා ප්‍රචාරය කළහ.

Read more ...
Write comment (0 Comments)

මරනවා කියන එක ගැන අලුතෙන් හිතන්නට අවශ්‍ය වී තිබේ. පොලුවලින් ගසා, පිහිවලින් කපා මරනවා වෙනුවට දැන් වැඩිපුර සිද්ධ වෙන්නේ වක්‍ර ඝාතන ය. ඒවාත් ලයිෂන් ලත් තැන්වලින් සිදු කරන මිනීමැරුම් ය. මේවා ගැන මහාධිකරණවල නඩු විභාග වන්නේ නැත. ඒ මිනීමැරුම් කරන අයට එරෙහිව අපරාධ චෝදනා ගොනු කෙරෙන්නේ නැත. හදිසි කෝපය නිසා, ඇතැම් විට අතිශය මානුෂීය හේතු නිසා සිදු කරන මිනීමැරුම්වලට අදාළ චූදිතයන්ට මරණ දඬුවම නියම කළ ද ඒවා මාධ්‍යවල ලොකුවට පළ කළ ද මේ කියන මිනීමැරුම් ගැන එහෙම කතා කරන්නේ නැත. ඔවුහු තවදුරටත් ඒ රාජකාරිය ම කරති. මාධ්‍ය තවදුරටත් ඒ පාරේ ම යයි.

Read more ...
Write comment (0 Comments)

අන්තවාදී භික්ෂු සංවිධානයක් වන බොදු බල සේනාවේ සුපුරුදු නාටකය නැවතත් රඟ දක්වනු පසුගිය සති කිහිපයේම නැවතත් දක්නට ලැබුණි.  එහි ලේකම් ලෙස කටයුතු කරන ඥානසාර මෙහි දී දමිළ සහ මුස්ලිම් ජනතාවට එරෙහිව වෛරය අවුළුවමින් ප්‍රචණ්ඩකාරී ලෙස හැසිරෙනු දක්නට  ලැබුණි. ඉන් දින කිහිපයකට පසු වාර්තා වූවේ ඥානසාර අත්අඩංගුවට ගැනීමට සූදානම්ව ඇති නමුත් හෙතෙම සැඟවී ඇති බවයි. එසේම හෝමාගම මහෙස්ත්‍රාත් අධිකරණයේ දී නඩු කටයුතු විභාග වෙමින් පැවතිය දී අධිකරණ ශාලාව තුළ කළහකාරී ලෙස හැසිරීමෙන් අධිකරණයට අපහාස කර ඇති බවට චෝදනා ලැබ සිටින ඥානසාර දින ගණනාවක්ම අධිකරණයට වාර්තා කර නොමැත. එහි දී පොලිස් ප්‍රකාශකවරයා සඳහන් කර සිටියේ ඥානසාරව අත්අඩංගුවට ගැනීම සඳහා වරෙන්තු නිකුත් කර ඇති බවයි.

Read more ...
Write comment (0 Comments)

අභිනව ජනමාධ්‍ය සහ මුදල් අමාත්‍ය මංගල සමරවීර වෙතය.

මේ ලියමන තෙරුවන් සරණයසිට  සුභ අනාගතයක්දක්වා වන ආශීර්වාදයෙන් ආරම්භ නොකළේ හේතු ඇතුවය. ඉන් ප්‍රධාන හේතුව නම් කොතරම් බලවත් අමාත්‍ය ධුරයක් ලබා සිටියත් මෙරට ආර්ථිකය පත්ව ඇති තත්ත්වය අනුව ඔබට හිතේ සහනෙන් නිදාගන්නවත් ඉඩක් නැති වන බව ටක්කෙටම පැවසිය හැකි නිසාය.

Read more ...
Write comment (0 Comments)

තුල්හිරිය කම්හලේ සේවය අහිමි වෙලා, වසර විසි හයක් ගතවෙලත් ඔබට ලැබෙන වන්දි මුදල රුපියල් 3660 යි. ඔබ ඒ සල්ලිවලින් බල්ලන්ට ආප්ප අරගෙන දෙන්න කියලා එවකට කම්කරු අමාත්‍යවරයා වූ සීවී ගුණරත්නට දැනුම් දෙනවා. ඊට පස්සෙ මොකද වෙන්නෙ?

Read more ...
Write comment (0 Comments)

සමීප රූපය

යුද්ධයක දී මුලින්ම මරාදමනුයේ සත්‍යයයි. සත්‍යය මරාදැමූ තැනක යුක්තිය සාධාරණය වල්මත් වන්නේය. තිස් වසරක යුද්ධය අවසන් කර වසර අටක් ගෙවී යන තැන අපට හමු වී ඇති පරම සත්‍යය එයයි. අවි නිහඬ කර ඇතත් පරම්පරා ගණනක් යනතුරු ඇවිළෙන වේදනා උතුරටත් දකුණටත් වෙනසක් නැත. වැන්දඹුවන් අම්මාවරුන් දරුවන් මතක මළසිරුරු මත තවමත් වැලපෙති. යුද්ධයේ නාමයෙන් සදාකාලික අබ්බගාත වූවන් ඇඳන් මතය. යුද සෙබළු සහ සිවිල් වැසියෝ ද ඒ අතර සිටිති. මියගියවුන් සිහිකර පහන් දල්වන අම්මාවරුය. අතුරුදන් වූ තම දූ පුතුන් සොයා දෙන ලෙස පාරට බැස්ස අම්මාවරුය. යුද්ධය නිසා ඉඩම් අහිමි වූවන් සිය අතීත මතක මැද වේදනාවෙනි. ඔවුහු ජීවත් වීමට සිය අයිතිය ඉල්ලති.

Read more ...
Write comment (0 Comments)

පොලිස් මත්ද්‍රව්‍ය නාශක කාර්යාංශයේ සේවය කළ පොලිස් පරීක්ෂක නියොමාල් රංගජීව ඇතුළු පොලිස් නිලධාරීන් පිරිසට පිළියන්දල දී කළ වෙඩි තැබීම හරහා රට පාවා දෙන කතාවක් නිර්මාණය කරන්නට ඇතැම් මාධ්‍ය උත්සාහ දරමින් සිටී.එසේම ඒ වෙඩි තැබීමේදී තුවාල ලැබූ දරුවන් ගැනත්,මිය ගිය අවුරුදු දොළහේ දරුවා ගැනත්,ඔවුහු අමතක කරමින් සිටිති.

Read more ...
Write comment (0 Comments)

ඒ ගිනි පූටකේ අප ගමන් කරමින් සිටියේ කපිලවස්තුපුර මාලිගා පරිශ්‍රයට යන මාවත දිගේය. පාර තලන යන්ත්‍රය ඉදිරියටත් පසුපසටත් ධාවනය කරමින් සිටි පුද්ගලයා අප දෙස නුරුස්නා බැල්මක් හෙළනු පෙනුණි. ඒ කිසිදු වගවිභාගයකින් හෝ අවසර පදයකින් තොරව කපිලවස්තු පුරයට ඇතුල් වී සුදොවුන් රජ මාලිගය දෙසට අඩිකඩමින් සිටි නිසා වන්නට පුළුවන.

Read more ...
Write comment (1 Comment)