ඉදිරි පළාත් පාලන මැතිවරණයේ දී අත්පත් කරගන්නා ගමේ බලය ලංකාවේ අනාගත ප‍්‍රධාන මැතිවරණවලට බලපාන වැදගත් සංරචකයක් ලෙස කි‍්‍රයා කරනු ඇත. එසේ වන්නේ මෙම මැතිවරණය සෑම දේශපාලන පක්ෂයකටම තමන්ට හිමි ජනතා බලය උරගා බලන වෙනදාට වඩා තරමක් වෙනස් මෙන්ම නවමු අවස්ථාවක් බවට පත්ව තිබෙන නිසාය. මැතිවරණයක් ලැබෙන්නේ 2015 අගෝස්තුවේ පැවැති මහ මැතිවරණයෙන් ඉක්බිතිවය. ඒ වන විට සම්මුතිවාදී ආණ්ඩුව ප‍්‍රතිපත්ති මාලාවක් පදනම් කරගෙන ගමනක් ආරම්භ කළා පමණය. අද වන විට ඒවා අතරින් සමහර දේවල් ඉටු කර ඇත. තවත් සමහර දේවල් ඔවුන්ට මඟහැරී තිබේ. ලංකාවට අත්‍යවශ්‍ය කාරණයක් වන නව ආණ්ඩුක‍්‍රම ව්‍යවස්ථාව සකසා ගැනීමට ජාතිවාදී බලවේග බාධා කරමින් සිටියි. සෙසු පක්ෂවලටත් එවැනිම වාසි සහ අවාසි තිබේ. ආණ්ඩුවේ තත්ත්වය මෙන්ම සෙසු පක්ෂ පිළිබඳ බර හා සැහැල්ලූවක් මහජනයා විෂයෙහි කිරා මැන බැලීමට පළාත් පාලන ඡුන්දය හොඳ අවස්ථාවකි.

ආණ්ඩුව

වත්මන් ආණ්ඩුව සිය ආරම්භක දින සියය තුළ ජනයාට සහන රැුසක් ලබා දුන්නේය. රු.162කට පැවැති පෙට‍්‍රල් මිල රු.117 දක්වා රුපියල් 35කින් අඩු කිරීම ඒ අවස්ථාවේ හැටියට ආණ්ඩුව ලබාදුන් වැදගත්ම සහනයකි. ඉකුත් නොවැ.08 අයවැයට පෙර ආණ්ඩුව ජනයාට තවත් කුඩා සහන මල්ලක් දුන්නත් ජීවන වියදම් චිත‍්‍රයෙහි ලොකු වෙනසක් කිරීමට එය නොසමත්ය. ආණ්ඩුව කළ යුත්තේ සේවක වැටුප් වැඩිකිරීම නොවේ. බඩු මිල ආණ්ඩුවටත් දරා ගැනීමට අපහසු ලෙස අඩු කිරීම ද නොවේ. ආණ්ඩුවේ අවධානය යොමු විය යුත්තේ ජීවන මිල රටවැසියන්ට දරා ගත හැකි මට්ටමට අඩුකර දීම පිළිබඳවය. වැඩකරන ජනතාවගේ ඉල්ලීම විය යුත්තේද පඩි වැඩි කිරීම නොවේ. ජීවන වියදම ආදායමට සාපේක්ෂව අඩු කර දීමටය. එහෙත් මේ සරල සිද්ධාන්තය ගැන වැඩ කරන ජනයා මෙන්ම ආණ්ඩුවේ කිසිවෙක් කතා නොකරති. ආණ්ඩුව මුහුණ දී සිටින ප‍්‍රශ්නය වන්නේ රටේ ප‍්‍රශස්ත නිෂ්පාදන කි‍්‍රයාවලියක් නොමැති නිසා විනිමය අනුපාතය විශාල වීමෙන් අපට ගෙවන්නට සිදු වන රුපියල් ප‍්‍රමාණය වැඩිවීමේ ප‍්‍රශ්නය ය. එවිට වැඩ කරන ජනයාගේ වැටුප් ඉහළ දැම්මත් ඉන් ප‍්‍රයෝජනයක් නැත. විශේෂයෙන්ම මෙම ක‍්‍රමයේ දී පුද්ගලික අංශයේ සේවකයා තරම් අමාරුවේ වැටෙන තවත් කෙනෙක් නැත. රාජ්‍ය සේවයේ ගහණය ලක්ෂ 14ක් නම් පුද්ගලික අංශයේ අතිබහුතරය මේ අර්ථ විරහිත වැටුප් වැඩිකිරීම සහ බඩු මිල උච්චාවචනය හමුවේ කූජිත වීම නොවැළැක්විය හැකිය. වැටුප් වැඩිකිරීම මෙන්ම බඩුමිල ආණ්ඩුවටත් කළමනාකරණය කර ගැනීමට අපහසු ලෙස පහත දැමීම වැනි දේවල් අතීසාරයට අමුඩ ගැසීමක් බඳුය.

එහෙත් ඡුන්ද මුවවිටේ  ඕනෑම ආණ්ඩුවකට එසේ අමුඩ ගැසීමට සිදුවෙයි. ආණ්ඩුව එහිදී කළ යුත්තේ අමුඩය ගසන අතරම රට නිෂ්පාදන ආර්ථිකයකට යොමු කර රටට ධනෝපායන මාර්ග විවර කර ගැනීමය. එවිට යම් කාලයක් ගත වන විට ක‍්‍රමයෙන් ආර්ථික සමෘද්ධියට යන මාවත විවර වනු ඇත. ලංකාවට ආයෝජන ගැන තිබෙන උනන්දුව වැදගත්ය. බදු ක‍්‍රමය ක‍්‍රමවත් කිරීමට ද ඔවුහු කිසියම් තැතක් ගෙන ඇත. එහෙත් ඒ ක‍්‍රම දෙකෙන් පමණක් උපයන ආදායම් රටකට ප‍්‍රමාණවත් නොවේ. නිෂ්පාදන කි‍්‍රයාවලියක් පණ ගැන්විය යුත්තේ එබැවිනි.

සංවර්ධනයක් තිබේද?

දුෂ්කර ගම්මානවල පවා මං මාවත් කාපට් කරන ප‍්‍රතිපත්තියක සම්මුතිවාදී ආණ්ඩුව නැත. රාජපක්ෂ ආණ්ඩුව  ඕනෑම පාරක් කාපට් කළේ හා අධිවේගී මාර්ගවලට ඒසා උනන්දු වූයේ ඇයි දැයි මේ වන විට කවුරුත් දනිති. වත්මන් අණ්ඩුව තුළ සමූහයක් ලෙස සොරකම් කිරීමට ඉඩ නැත. එහෙත් දූෂිතයන් කිහිප දෙනෙක් සිටිති. ලංකාවේ සාමාන්‍ය ජනයා සංවර්ධනය ගැන සිතන විදිය නිවැරැුදිම නැත. ඔවුන් සිතන්නේ මහින්ද ලොක්කාගේ කාලයේ සොරකම් සිදු වුවත් ඇහැට පේන සංවර්ධනයක් වුණා යනුවෙනි. ලොක්කා පුතුන් සමඟ අධිවේගී මාර්ග, දිලිසෙන මෝටර් රථවලින් ගොස් විවෘත කළ අයුරු එදා දැකගත හැකි විය. එහෙත් ඒ සෑම වැඩකදීම ලොකු කොටසක් හොරුන්ගේ සාක්කුවලට වැටුණි. අප වත්මන් ආණ්ඩුවට දිරි දිය යුත්තේ මහජනයාගේ සල්ලි උලා නොකා කරන සංවර්ධනයකටය. එමෙන්ම විකිණීම හා බදුදීම තුළින් ලාභයක් ඉපැයීම නිෂ්පාදන ආර්ථිකයක් හෝ ස්වයං ආර්ථිකයක් ළඟා කර ගැනීමක් නොවේ. එය අසමත්කම ප‍්‍රදර්ශනය කිරීමකි. ආණ්ඩුව කළ යුත්තේ ධෛර්ය සම්පන්නව එම කටයුතුවලට අත ගැසීමය. කළ නොහැකි සමහර දේවල් ආණ්ඩුවකට තිබිය හැකිය. විශේෂයෙන්ම සම්මුතිවාදී ආණ්ඩුව රාජපක්ෂගේ තක්කඩි ආණ්ඩුව නොවන නිසා තිබෙන ප‍්‍රශ්නය ඔවුන් ජනතාවට නොවලහා කිව යුතුය. ඒ ජනතාවගේ අනුකම්පාව දිනා ගැනීමට නොවේ. ජනතාව ඇත්ත දැනගත යුතු නිසාය. ප‍්‍රධාන පක්ෂ දෙක අතර මෙන්ම ඒ දෙකෙන් සුසැදි ආණ්ඩුව හා ජනතාව අතර සම්මුතියක් තිබෙන නිසාය. ආණ්ඩුව ලෙඬේ දොස්තරට සැඟවුවහොත් ප‍්‍රතිකාර කිරීම අපහසුවෙයි. ජනතාව දොස්තරලා නොව කොන්දොස්තරලා විය හැකිය. එහෙත් ටිකට් කඩන්නේ කොන්දොස්තරලා බව ආණ්ඩුව අමතක නොකළ යුතුය.

ආණ්ඩුවේ ශක්‍යතා

ආණ්ඩුව තොරතුරු පනත ගෙනාවේය. ඖෂධ ප‍්‍රතිපත්තිය ගෙනාවේ. ජාතීන් අතර සංහිඳියාව ඇති කිරීමට කැප වූයේය. දෙමළ සමාජයේ දේශපාලන නියෝජනය වන දෙමළ ජාතික සන්ධානය කීවේ නව ආණ්ඩුක‍්‍රම ව්‍යවස්ථාවට සිංහල ජනයාගේ අනුමැතිය ලබා ගත් විට ඊට නිසැකවම ඔවුන්ගේ සහය හිමි වන බවය. මේ තරම් සංහිඳියාවක් හා හොඳ හිත වගා දිගා වූ කාලයක් තිබුණිද? ඉදින් ඒ අවස්ථාව පැහැර හැරිය යුතුද? ලංකාව සත්‍ය කොමිසම පිහිටු විය යුතුය. දෙමුහුන් අධිකරණය පිහිටුවා එම විෂයේ දී යුක්තිය පසිඳලීමට මැදිහත් විය යුතුය. නොවැ.09 අයවැයෙන් පසු ඔවුන් කීවේ උතුර වෙනුවෙන් අයවැයෙන් වෙන්කර තිබෙන මූල්‍ය ප‍්‍රතිපාදනවල කිසිදු ප‍්‍රශ්නයක් නොමැති බවය. එහෙත් ඔවුහු නව ව්‍යවස්ථාව දෙමළ සිරකරුවන්ගේ ප‍්‍රශ්නය, උතුරේ ඉඩම් ප‍්‍රශ්නය යනාදිය ගැන දිගින් දිගටම අවධාරණය කරති. ඒවා සහෝදර මහ ජාතිය ලෙස අප ඉටු කර දිය යුතු දේවල්ය. පළාත් පාලන ඡුන්දයේ දී දෙමළ අතිධාවනකාරීන් වෙනම දේශපාලන පියවරක් ගැනීමට යත්න දැරුවත් දෙමළ පොදු ජනයා අතිධාවනකාරීන්ට එකතු වනු ඇතැයි සිතිය නොහැකිය. මන්ද වත්මන් රජය සංහිඳියාව විෂයෙහි කිසියම් සාපේක්ෂ ස්ථිර බවක් ප‍්‍රකට කරමින් සිටින නිසාය. ජනපතිවරයාට සිංහල ජාතියේ හා ආගමේ තද ප‍්‍රකාශකයන්ට සවන් දීමට සිදුව තිබුණත් ඔහු රාජපක්ෂ පන්නයේ උග‍්‍ර ජාති හා ආගම්වාදියකු නොවන බව දැනටමත් ප‍්‍රදර්ශනය කර තිබේ. අගමැතිවරයාට ජාතිය ආගම ආදී කිසිවක් අදාළ නැතැයි ඇතැමුන් චෝදනා කළත් ලංකාව ලිබරල් සිතුම් පැතුම් ඇති රටක් බවට පත් කිරීම පිළිබඳ කටු සටහනක් ඔහුට තිබේ. මේ සුසංයෝජනයෙන් ලිබරල්වාදී ජාතිකවාදය නම් වූ පැවැත්මක් බිහි නොවෙතත් ජාතිය ගොඩනැගීමට හා ලිබරල්කරණය යනු එකක් බවට පත් කර ගත හැකි නම් එය ලංකාවේ තිබෙන ජාතිය ආගම කුලය යනාදී ආචීර්ණ කල්පිත මතිමතාන්තරවලට වඩා අගනේය.

ඒකාබද්ධ විපක්ෂය

ශ‍්‍රීලනිපය හා එජාපය හැරුණු විට දැනට තෙවැනි තරගකරුවා බවට පත්ව සිටින්නේ පොදු ජන පෙරමුණය. ලංකාවේ අන්තවාදී සිංහල ඡුන්ද විශාල වශයෙන් ඇතත් ඒ ප‍්‍රමාණයෙන් ඡුන්දයක් දිනාගත නොහැකිය. ගිනි කන වැටුණු සංවර්ධනයට මුළා වූ පිරිස් රාජපක්ෂ යළි  ඕනෑ කිව්වත් සියලූම සිංහලයන් ඡුන්ද ලබා දුනහොත් මිස රාජපක්ෂ දැනට එකතු කරගෙන තිබෙන ඡුන්දවලින් ඔහුට පැහැදිලි ජයක් ලැබිය නොහැකිය. දෙමළ හා මුස්ලිම් අන්තවාදී කොටස් කොහොමටත් රාජපක්ෂට සහායක් නොදක්වන අතර දෙමළ මුස්ලිම් මැදගත් ජනයා එළඹෙන වසර ගණනාවකටම අදාළව රාජපක්ෂ ප‍්‍රතික්ෂේප කර ඇත. මූල්‍ය වංචාවක් පිළිබඳ චෝදනා ලත් ගාමිණී සෙනරත් බන්ධනාගාර ගත වූ සැණින් මහින්ද රාජපක්ෂ, ඔහු බලන්නට වැලිකඩ ගියේය. ඝාතන චෝදනාවකට ලක් වූ පේ‍්‍රමලාල් ජයසේකර බලන්නට කිසිම දෙගිඩියාවකින් තොරව එදා කුරුවිට බන්ධනාගාරයට ගියේය. මහින්දට ඒවා ගැන කිසිදු ලැජ්ජාවක් නැත. ඔහු කියන්නේ තම නිලධාරීන් බේරූ චෝදනා එල්ල කර බන්ධනාගාර ගත කෙරුණු බවය. තමා වෙනුවෙන් මිනිස් ඝාතන කළෝ මහින්දට අනුව අහිංසකයෝය. ඔහු බොරු යැයි කියන චෝදනා එකක් දෙකක් දැන් ආණ්ඩුව ඔප්පු කර පෙන්විය යුතුය. මහින්ද නිරුත්තර කළ හැක්කේ එසේය. පොදු ජන පෙරමුණු දේශපාලනයේ කැපී පෙනෙන ලක්ෂණය වන්නේ තක්කඩිකම්වලට තිබෙන එකමුතුභාවයයි. මහින්ද වැරැුදි කළ තම ගෝලබාලයන් බලන්නට එනම් ඔවුන්ගේ තෙත මාත්තු කරන්නට යනවා සේම ජොන්ස්ටන් සතොසේ වංචාවන්ට අත්අඩංගුවට ගත් අවස්ථාවේ ජනතාව ඔහු වෙනුවෙන් රොද බැඳ උද්ඝෝෂණය කළහ. ඒ ඔහුගේ ළඟම ආධාරකරුවන් වුවත් ඒ මිනිසුන් තම නායකයන් තරම්ම තක්කඩින් විය නොහැකිය. එම නායකයන්ගේ හා හිතවාදීන්ගේ ලොකුම අර්බුදය නම් එකිනෙකාගේ වැරැුදි අනුමත කිරීමය. නායකයන් කෙසේ වෙතත් ජනතාව ඒ අඳුරු අගාධ දිවියෙන් මුදා ගැනීමත් යහපාලන සිද්ධාන්තයට අදාළය.

ජවිපෙ

ජ.වි. පෙරමුණ ගමේ බලය අත්පත් කර ගැනීමේ සටනේ සිව් වැනි ස්ථානයට පත්ව ඇතත් ඔවුන් හොඳ තරගයක් ලබාදිය හැකි ස්ථානයක පසුවෙයි. ඔවුන් ජාතිවාදයේ කරවටක් ගිලී ගිය යුගය අවසන් කර එජාපය බඳු පක්ෂයක් බවට පත් වෙමින් සිටියි. එජාපය ආදර්ශවත් පක්ෂයක් නොවුණත් ජවිපෙ එජාපය බඳු පක්ෂයක් වුවහොත් ඊට එජාපයට වඩා හොඳ පක්ෂයක් විය හැකිය. දැනට ජවිපෙ අභ්‍යාස කරමින් සිටින මූල්‍ය විනය ඊට ප‍්‍රධාන වශයෙන් උපකාරී වෙයි. ඉල් සමරුවේදීත් කියූ සමාජවාදී සමාජයක් හදනවාය යන අර්ථ විරහිත කතා නොකියා වඩා නිදහස් මත දරන පක්ෂයක් බවට පරිවර්තනය වනවා නම් ජවිපෙ මීට වඩා පුළුල් ඉසව්වලට රැුගෙන යා හැකිය. අප ජවිපෙට කියන්නේ හොරු පක්ෂයට ගන්නට හෝ හොරුන්ගේ මුදල්වලින් දේශපාලනය කිරීමට නොවේ.

ප‍්‍රතිසංස්කරණවාදය යනු සමාජවාදය මඟින් ප‍්‍රතික්ෂේප කරන්නක් වුව ජවිපෙ මේ මොහොතේ පවා පසුවන්නේ ප‍්‍රතිසංස්කරණවාදයට යටත්වය. ඔවුන්ට අලූත් ඡුන්ද ඇත්තේ ද එතැනය.

යතුර ඇත්තේ කොතැනද

දකුණට අදාළව ගමේ බලය බෙදෙනු ඇත්තේ මෙම පක්ෂ ජනතාව තුළ ආරෝපණය කරනු ලබන ආකර්ෂණය මතය. ආණ්ඩුවට එහිදී වැඩි හැකියාවක් තිබෙනු ඇත. ඒ බලවත්ම පිරිස වීම හා වැඩ කිරීමේ යතුර ඇත්තේ ඔවුන් අත වන නිසාය. තවමත් ගෙවෙන්නේ යහපාලනයේ සමාරම්භක සමය නිසා ජනතාව ඔවුන් කෙරෙහි තවදුරටත් විශ්වාසය තබා කටයුතු කරනු පෙනේ. ඒ විශ්වාසය නොබිඳ දේශපාලනයෙහි නිරතවීම සම්මුතිවාදී ආණ්ඩුවේ වගකීමකි.

විමලනාත් වීරරත්න

 

Write comment (0 Comments)

ඔක්තෝබර, නොවැම්බර මාස යනු විප්ලවාදීන්ට කාර්ය බහුල මාස ය. ඒ, ඔක්තෝබර් මාසයේ සිදු වූ විශේෂ සිදුවීම් ද්විත්වයක් නිමිති කරගෙන විවිධාකාරයේ සැමරුම් උත්සව පැවැත්වීමය. ඉන් එකක් නම් ඔක්තෝබර් විප්ලවය යි. එහෙත් එය මේ වන විට මිය ගොස් හමාර ය.

Read more ...
Write comment (0 Comments)

සාකච්ඡාවට බඳුන් කළ හැකි සහ අවධානය යොමු කළ යුතු අදහසක් චම්පික රණවක පාර්ලිමේන්තුවේදී මතු කර තිබුණි. එය නම් දෙමළ දේශපාලනඥයන් ආණ්ඩුවලට එක් වී ඇමැති ධුර ලබාගත හොත් ඔවුන්ට තම ජනයාට වඩා වැඩි සේවාවක් කළ හැකි බවය. එහි ඇත්තක් තිබේ. මන්ත‍්‍රීවරයකුට සාපේක්ෂව බලනවිට ඇමැති වරයකුට ලැබෙන ප‍්‍රතිපාදන මෙන්ම බලතල ද වැඩිය. එමෙන්ම කැබිනට් රැස්වීමේ දී ජනාධිපති අගමැති ප‍්‍රමුඛව කැබිනට් මණ්ඩලයට අවධාරණය කළ හැකි කාරණා වැඩිය.

Read more ...
Write comment (0 Comments)

ගින්නක ස්වභාවය ගිනි නැගීම සහ අළු වැසීමය. විටෙක ගිනි නැගෙන ගින්න විටෙක අළු වැසේ. ඇතැමුන් සිතන්නේ අළු වැසෙද්දී ගින්න නිවී ඇතැයි සිතාය. අප මේ කියනා ගින්නට දැන් දළ වශයෙන් අවුරුදු පහක් පමණ වයස්ගතව ඇත. මේ ගින්න අනෙකක් නොව මාලඹේ ප‍්‍රදේශයේ දොස්තර නෙවිල් ප‍්‍රනාන්දුලාගේ හිමිකාරීත්වය යටතේ පෞද්ගලික වෛද්‍ය උපාධිය දෙන්නට ගොඩනැගූ සයිටම් ආයතනයය.

Read more ...
Write comment (0 Comments)

නව ව්‍යවස්ථාවක් අනවශ්‍ය බවටත් ව්‍යවස්ථා සංශෝධනයක් හෝ අනවශ්‍ය බවටත් මල්වතු අස්ගිරි දෙපාර්ශ්වයේ කාරක සංඝ සභාව තීරණය කර ඇතැයි 19වැනිදා ඡනමාධ්‍ය පළකළ වාර්තාව සාවද්‍ය පුවතක් බව මල්වතු පාර්ශ්වයේ අනුනායක දිඹුල්කුඹුරේ විමලධම්ම හිමියෝ ප‍්‍රකාශ කරති.

Read more ...
Write comment (0 Comments)

ජනමාධ්‍ය ප‍්‍රධාන දේශපාලන පක්ෂවල නායකයන් සමඟ කරන පුවත්පත් සංවාදවල දී සමකාලීන දේශපාලනය තුළ රටේ උද්ගතව තිබෙන ප‍්‍රශ්න සාකච්ඡුාවට ගනියි. එහෙත් පෙරටුගාමී සමාජවාදී පක්ෂයේ ප‍්‍රධාන ලේකම් කුමාර් ගුණරත්නම් මහතා සමඟ කෙරුණු එවැනි සංවාද ගණනාවකදී ඔහුගෙන් ප‍්‍රශ්න කර තිබුණේ ගුණරත්නම්ගේ දේශපාලන අතීතයයි.

Read more ...
Write comment (0 Comments)

ජාතික ජනතා පක්ෂයේ සභාපති හිටපු අතිරේක සොලිසිටර් ජනරාල් ජනාධිපති නීතීඥ ශ්‍රීනාත් පෙරේරා

 නීතිපති දෙපාර්තමේන්තුව යනු පසුගිය කාලයේ බරපතළ දෝෂ දර්ශනයට ලක් වූ ආයතනයකි. ඊට නීතිපති දෙපාර්තමේන්තුව යම් සැලකිය යුතු ප්‍රතිශතයකින් වගකිව යුතුය. එසේම තවත් ආයතන ද ඊට යම් ප්‍රතිශතවලින් වගකිව යුතුය. රාජ්‍ය ආයතනවල පහසුකම් සපයන්නා වන ආණ්ඩුව ද ඒ අතර වේ.

Read more ...
Write comment (0 Comments)

මිනිසුන්ට සිහින දැකීමට නම් ඔවුන්ගේ සංකේතීය ලෝකයේ අනෙකා එම සිහින වාරණය කළ යුතුය. මිනිසුන්ට විනෝද වීමට නම් අනෙකාගේ විනෝදයට බාධා කළ යුතුය. මධ්‍යම පාංතිකයන්ගේ ආත්මීය සැනසීමට මෑතක දී තදින්ම කෙළවුණේය. ඒ අනුරගේ පුතාගේ විවාහයත් ඔහු ස්ලිට් ආයතනයෙන් ඉගෙන ගෙන එයාර් ලංකා සමාගමේ රැකියාව කිරීම පිළිබඳවත් දැනගැනීමෙනි.

Read more ...
Write comment (0 Comments)

ජනතා විමුක්ති පෙරමුණේ වර්තමාන නායක අනුර කුමාර දිසානායක, විවාහ මංගල උත්සවයකට සහභාගී වී සිටින බැව් බැලූ බැල්මට පෙනෙන ඡායාරූප කීපයක් මෙය ලියන මොහොතේ සිට දින කීපයකට පෙර කවුරුන් හෝ අන්තර්ජාලයට මුදා හැරීමත් සමග, දෛනික `ෆේස්බුක්` රැල්ල එදෙසට හැරිණි.

Read more ...
Write comment (0 Comments)