බැඳුම්කර ගනුදෙනුව සම්බන්ධව විගණකාධිපති සිදු කළ ආන්දෝලනාත්මක මැදිහත් වීමත් සමඟ ආණ්ඩුවේ ප්‍රබලයන් සහ විගණකාධිපති අතර සම්බන්ධයේ ආතතිගත ස්වභාවයක් පෙන්නුම් කෙරිණ. එතැන් පටන් විගණකාධිපති මුල් කරගෙන කරළියේ ඇති වූ ඒ ආතතිගත සම්බන්ධය විවිධ විෂයන් ඔස්සේ ඉදිරිපත් වූ විගණන වාර්තා පාදක කරගනිමින් වරෙක අගමැති - විගණකාධිපති ගැටුමක්, තවත් වරෙක මුදල් ඇමැති - විගණකාධිපති ගැටුමක් ආදී ලෙසින් ආණ්ඩුවේ ප්‍රබලයන් සහ විගණකාධිපති අතර නොනිමෙන ගැටුමක් විලසින් ඉදිරියට යන තත්ත්වයක් පෙනෙන්නට ඇත. ඒ තුළ වත්මන් විගණකාධිපති ගාමිණී විජේසිංහ වෙත මේ වන විට ගල් මෙන්ම මල්වල ද අඩුවක් නොමැතිව භුක්ති විඳින්නට ලැබෙමින් ඇති අතර ඒ පිළිබඳ ඔහු සමඟ‘සත්හඬ’ කළ සාකච්ඡාවකි මේ.
