ක්‍රිකට්: ලෝක කුසලාන දෙකකදී දෙරටක් වෙනුවෙන් ක්‍රීඩා කළ ශ්‍රී ලාංකිකයා

ක්‍රීඩා

මෙයින් වසර හතකට ඉහතදී වයස 19න් පහළ ජගත් ක්‍රිකට් ශූරතාවලියේදී ශ්‍රී ලංකාව නියෝජනය කළ ක්‍රීඩකයෙක් ඉන් වසර කිහිපයකට පසුව වෙනත් රටක් නියෝජනය කරමින් ලෝක කුසලානයට තරග වැදුණු බව ඔබ දැන සිටියාද?

2010 නවසීලන්තයේ පැවති යොවුන් ලෝක කුසලානයේදී ශ්‍රී ලංකාව නියෝජනය කළ ඇන්ද්රි රෆායෙලෝ බෙරෙන්ජර් (Andri Raffaelo Berenger) ඉන් අනතුරුව 2015 පැවති ජගත් කුසලානයේදී එක්සත් අරාබි එමීර් රාජ්‍යය වෙනුවෙන් ක්‍රීඩා කළේය.

බෙරෙන්ජර් ඇතුළු යොවුන් ලෝක කුසලානයේදී සිය මව් රට නියෝජනය කළ ක්‍රීඩකයන් 13 දෙනෙකුවත් ඉන් අනතුරුව වෙනත් රටවල් වෙනුවෙන් ක්‍රීඩා කර තිබෙන බව අයිසීසී ජගත් ක්‍රිකට් පාලක මණ්ඩලය පෙන්වා දෙයි.

එහෙත් ශ්‍රී ලාංකික ක්‍රීඩකයා මෙන් නොව ඒ අතරින් බොහෝ දෙනා ජ්‍යෙෂ්ඨ ක්‍රීඩාවට අවතීර්ණ වී තිබෙන්නේ ජගත් පාලක මණ්ඩලයේ පූර්ණ සාමාජික රටක් වෙනුවෙනි.
එක්සත් අරාබි එමීර් රාජ්‍යයේ ක්‍රිකට් කණ්ඩායමට සම්බන්ධවීමට ප්‍රථම ඇන්ද්රි රෆායෙලෝ සිංහල ක්‍රීඩා සමාජය, කොළඹ ක්‍රීඩා සමාජය සහ සීදුව රද්දොළුව ක්‍රීඩා සමාජය වෙනුවෙන් ක්‍රීඩා කර තිබේ.

2014 නොවැම්බර් මාසයේදී එක්සත් අරාබි එමීර් රාජ්‍ය කණ්ඩායම වෙනුවෙන් ඇෆ්ඝනිස්තානයට එරෙහිව තරග වදිමින් ඔහු එක් දින ජාත්‍යන්තර තරග පිටියට එක් විය.
bbc

janahada

Latest Posts