ස්කොට්ලන්තයට එරෙහිව ශ්‍රී ලංකාවට ලකුණු 35 ක ජයක්

ක්‍රීඩා

ලෝක කුසලානයට පෙර පැවති පෙරහුරු තරඟයකදී ස්කොට්ලන්තයට එරෙහිව එඩින්බරෝහි පැවැති දෙවැනි එක්දින ජාත්‍යන්තර ක්‍රිකට් තරගයෙන් ඩක්වත් ලුවිස් න්‍යායට අනුව ලකුණු 35 ක ජයක් අත්කර ගැනීමට ශ්‍රී ලංකාව ඊයේ (21) සමත් විය.

පළමුවෙන් පන්දුවට පහරදුන් ශ්‍රී ලංකාව ඕවර 50 අවසානයේ කඩුලු 8 ක් දැවී ලකුණු 322 ක් ලබාගත් අතර නුවන් ප්‍රදීප් ලකුණු 34 කට කඩුලු 4 ක් බිඳහෙළමින් එහිදී ශ්‍රී ලංකාව වෙනුවෙන් දක්ෂ පන්දු යැවීමක නිතරත විය.
ස්කොට්ලන්ත ඉනිමේ 27 වැනි පන්දුවාරය නිමාවීමත් සමග වර්ෂාව හේතුවෙන් තරගය අතරමග නතර කර වර්ෂාව අවසන් වී නැවත තරගය ආරම්භ කරන විට ස්කොට්ලන්ත ඉනිම පන්දුවාර 34 කට සීමා වූ අතර එහිදී ඔවුන්ට ජයග්‍රහණය සඳහා ලකුණු 235 ක නව ඉලක්කයක් හිමිවිය.

ළහිරු තිරිමාන්න හයවැනි පිතිකරු ලෙස පිටියට පිවිස හයේ පහරක් සහ හතරේ පහර 3 ක් සමග නොදැවී ලකුණු 44 ක් රැස්කරමින් ශ්‍රී ලංකා ඉනිම නිමාවන තෙක්ම කඩුල්ලේ රැදී සිටියේය.
ශ්‍රී ලංකා ඉනිමට සාර්ථක ආරම්භයක් ලබාදුන් නායක දිමුත් කරුණාරත්න (77) සහ අවිෂ්ක ප්‍රනාන්දු (78) පළමු කඩුල්ල වෙනුවෙන් පන්දු 133 කදී ලකුණු 123 ක සම්බනධතාවක් ගොඩනැගීමට සමත් වූහ.
පන්දු 88 කදී වාර්තා වූ දිමුත්ගේ දෙවැනි එක්දින අර්ධ ශතකයට හතරේ පහර 7 ක් ඇතුළත් වූ අතර පන්දු 78 කදී වාර්තා වූ අවිෂ්කගේ මංගල එක්දින අර්ධ ශතකය හයේ පහර 3 කින් සහ හතරේ පහර 2 ක් ඇතුළත් විය

janahada

Latest Posts