විදෙස්

අතුරුදහන් වූ කුමරිය සිටින තැන පිළිබඳ තොරතුරු හෙළි කරන්නැයි 'හියුමන් රයිට්ස් වොච්' සංවිධානය ඩුබායි බලධාරීන්ගෙන් ඉල්ලයි.

ඉන්දියාවේ රාජස්ථාන් ප්‍රාන්තයේ ඇති වූ දරුණු දූවිලි කුණාටුවකින් සියයකට ආසන්න පිරිසක් මිය ගොස් ඇති අතර තවත් බොහෝ පිරිසක් තුවාල ලබා ඇති බව වාර්තා වේ.

වසර කීපයකට පෙර සිදු කරන ලද බව පැවසෙන ලිංගික අපචාර චෝදනා සම්බන්ධයෙන් ප්‍රතිචාරය දැක්වීම සඳහා වතිකානයේ භාණ්ඩාගාරික ජෝර්ජ් පෙල් (George Pell) කාදිනල්වරයා නීතිය ඉදිරියේ පෙනී සිටිය යුතු බව අධිකරණය තීන්දු කළේය.

තමාට එරෙහි චෝදනාවලට ඔහු නිවැරදිකරු යයි කාදිනල් ජෝර්ජ් පෙල් අඟහරුවාදා (අප්‍රේල් 30) අධිකරණය ඉදිරියේ කියා සිටි අතර, කිසිදු වරදක් කර නැති බව ඔහු දිගින් දිගටම අවධාරණය කරයි.

එහෙත් එල්ල වී ඇති සියලු චෝදනා පිළිබඳව නොව, ඇතැම් චෝදනා සම්බන්ධයෙන් නඩු විභාගයක් පැවැත්වීම සඳහා ප්‍රමාණවත් සාක්ෂි තිබෙන බව ඕස්ට්‍රේලියාවේ මහේස්ත්‍රාත්වරයෙක් අඟහරුවාදා තීන්දු කළේය.

ඕස්ට්‍රේලියානු කතෝලික සභාවේ ජ්‍යෙෂ්ඨතම සාමාජිකයා වන හැත්තෑ හය හැවිරිදි ජෝර්ජ් පෙල් කාදිනල්වරයා වතිකානයේ ද ඉතා බලවත් චරිතයකි.
වතිකානයේ තුන්වෙනි බලගතුම චරිතය ලෙස සැලකෙන කාදිනල්වරයා, සිය රටේදී එල්ල වී තිබෙන චෝදනාවලට මුහුණදීම පිණිස පසුගිය වසරේ වතිනාකයෙන් නිවාඩු ලබාගත්තේය.

රැස්ව සිටි මාධ්‍යවේදීන් සහ මහජනතාව අතරින් ඔහු 'මෙල්බර්න්' නුවර මහේස්ත්‍රාත් අධිකරණයට පැමිණියේ විශාල පොලිස් බලකායක ආරක්ෂාව යටතේය.

පසුගිය මාර්තු මාසයේ සිට සති හතරක් මුළුල්ලේ පැවති මූලික අධිකරණ විභාගයේ බොහෝ කටයුතු මහජනතාවට විවෘත නොවූ අතර, එහිදී ලබා දුන් බොහෝ සාක්ෂි රහසිගතය.

1990 දී මෙල්බර්න් නුවර දේවස්ථානයකදී එවැනි එක් අපචාරයක් සිදු කර ඇති බවට විවෘත අධිකරණ විභාගයකදී කාදිනල්වරයාට එරෙහිව චෝදනා කෙරිණ. එවකට ඔහු මෙල්බර්න් නුවර අගරදගුරු පදවියේ කටයුතු කළේය.

කාදිනල්වරයා 1970 දශකයේ 'Ballara't නුවර පිහිනුම් තටාකයකදී තවත් අපචාරයක් සිදුකර ඇති බව අධිකරණය ඉදිරියේ අනාවරණය විය. ජෝර්ජ් පෙල් එවකට එම ප්‍රදේශයේ පූජකවරයකු විය.

එහෙත් ඒ සියලුම චෝදනා "අසත්‍ය" බව පවසන කාදිනල්වරයා, තමා නිර්දෝෂී බව අවධාරණය කරයි.

bbc

1953 වසරේ කොරියානු යුද්ධය අවසන් වීමෙන් පසු කොරියානු අර්ධද්වීපය බෙදා වෙන් කෙරුණු හමුදා සීමාවෙන් ඔබ්බට ගොස් දකුණු කොරියානු භූමිය මත පා තැබූ පළමු උතුරු කොරියානු නායකයා ලෙස කිම් ජොන්ග් අන් ඉතිහාස ගත විය.

සිකුරාදා (අප්‍රේල් 27) සිදු වීමට නියමිත දෙරටේ ඓතිහාසික නායක හමුවට එක්වෙන දූත මණ්ඩල දෙක කොරියානු රාජ්‍යයන් දෙක විසින් ප්‍රකාශයට පත් කරනු ලැබ තිබේ.

තමන් විසින් සියලුම මිසයිල අත්හදාබැලීම් අත්හිටුවනු ලද බව පවසන උතුරු කොරියාවේ නායක කිම් ජොන්ග් අන්, න්‍යෂ්ටික පර්යේෂණ ස්ථානයක් වසා දමනු ඇති බව කියා සිටියේය.

ඊයේ  දින(19) පැවති කියුබානු පාර්ලිමේන්තු සැසිවාරයෙන් අනතුරුව කියුබාවේ නව ජනාධිපතිවරයා ලෙස කටයුතු කරන්නේ 57 හැවිරිදි ඉන්ජිනේරුවෙකු වන ඩයස් කානල් බව එරට මාධ්‍ය වාර්තා කරයි.

ලොව විශාලතම සමාජ මාධ්‍ය ජාලය වන ෆේස්බුක් නිර්මාතෘ මාර්ක් සකර්බර්ග් පසුගිය වසරේදී ඔහුගේ පෞද්ගලික ආරක්ෂාව වෙනුවෙන් ඩොලර් මිලියන 7.3ක් වැයකර ඇතැයි විදෙස් වාර්තාවල සඳහන්වේ.

දාම මිනීමරුවෙකුට ගොදුරු වූ බව විශ්වාස කෙරෙන ශ්‍රී ලාංකික දෙමළ ජාතිකයෙකුගේ මළ සිරුර හඳුනාගත් බව කැනඩාවේ පොලිසිය පවසයි.